ಬೆಳಗಾವಿ/ಮೂಡಲಗಿ: ತುಂಬಿ ಹರಿಯುತ್ತಿದ್ದ ಘಟಪ್ರಭಾ ನದಿಗೆ 10 ಜನರಿದ್ದ ಟ್ರಾಕ್ಟರ್ ಮುಗುಚಿ ಬಿದ್ದಿರುವ ಘಟನೆ ಮುಡಲಗಿ ತಾಲೂಕಿನ ಅವರಾದಿ-ನಂದಗಾಂವ್ ಬಳಿ ನಡೆದಿದೆ.

ಬೆಳಗಾವಿ ಜಿಲ್ಲೆಯ ಮುಡಲಗಿ ತಾಲೂಕಿನ ಅವರಾದಿ ಗ್ರಾಮದಲ್ಲಿ ಈ ದುರ್ಘಟನೆ ಸಂಭವಿಸಿದೆ. ಬಾಗಲಕೋಟೆ ಜಿಲ್ಲೆಯ ನಂದಗಾಂವ್ ಗ್ರಾಮದ ಮಧ್ಯೆ ಇರುವ ಬ್ರಿಡ್ಜ್ – ಬ್ಯಾರೇಜ್ ಗೆ ಟ್ರೇಲರ್ ಸಹಿತ ಟ್ರಾಕ್ಟರ್ ಬಿದ್ದಿದೆ. ಈ ಟ್ರಾಕ್ಟರ್‌ನಲ್ಲಿ ತಮ್ಮ ದಿನಸಾವಿರದ ಕೆಲಸಕ್ಕಾಗಿ ಕೆಲಸಗಾರರು ಅವರಾದಿಯಿಂದ ನಂದಗಾಂವ್ ಗೆ ತೆರಳುತ್ತಿದ್ದರು.

ನೀರಿಗೆ ಬಿದ್ದವರಲ್ಲಿ, ಅದೃಷ್ಟವಶಾತ್, 9 ಮಂದಿ ಈಜಿನ ಮೂಲಕ ಸಾವಿನ ದವಡೆಯಿಂದ ಪಾರಾಗಿದ್ದಾರೆ. ಆದರೆ, ಒಬ್ಬ ವ್ಯಕ್ತಿ ಕಣ್ಮರೆಯಾಗಿದ್ದು, ಅವರಿಗಾಗಿ ಶೋಧ ಕಾರ್ಯ ಮುಂದುವರಿಯುತ್ತಿದೆ.

ಈ ಘಟನೆ ಸ್ಥಳದಲ್ಲಿ ಸೂತಕದ ವಾತಾವರಣ ಉಂಟಾಗಿದೆ. ಸ್ಥಳಕ್ಕೆ ಕುಲಗೋಡ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.